فیصلہ آپ کا ہے

اپنے بچوّں کو بلا وجہ جھڑک  کر انھیں اپنا دشمن نہیں بنائیے۔ اگر آپ اپنے  بچوں کومعاشرے کا معزز انسان بنانا چاہتے ہیں تو ان کے ساتھ بچپن سے ہی ویسا برتاؤ کیجئیےجیسا آپ انھیں دیکھنا چاہتے ہیں۔اپنے بہترین آئیڈیاز کو ان کے ساتھ شئیرز کیجئیے انھیں تجارت اور سائینس دونوں کے رہنما اصول  سمجھانے کے بجائے  ان کی نفسیات سمجھتے ہوئے انھیں گائیڈ کیجئیے۔ اپنے دینی معاملات کی ادائیگی میں اپنے بچوں کو اپنے ساتھ رکھئیے اور کوشش کیجئے کہ اپنی حیثیت کے مطابق  ضرورت مند کو اس کی ضرورت اپنے بچوں کے ہاتھ سے پوری کروائیے  ۔ بچہ قدرت کی طرف سے  سب سے پہلے نقل کرنا سیکھتا ہے  اسلئے وہ وہی کرتا ہے جو وہ دیکھتا ہے۔یاد رکھئیے بچے کی سیکھنے کی عمر اس کے تین سال سے ہی شروع ہوجاتی ہے۔ اپنے تمام مصروف ترین اوقات میں سے بچوں کا ایک وقت مقرر کیجئیے اور ان سے ان کے دن کی سرگرمیوں کا احوال سرسری طور پر پوچھئیے۔ ایک دن ناغے سے کسی بھی مضمون پر انھیں لکھنے کا کہئیے  اور انکی حوصلہ افزائی کیجئیے۔یہ آپ پر منحصر ہے کہ آپ اپنے بچوں کو قوم کا معمار بناتے ہیں یا اسکے برعکس۔ فیصلہ آپ کا ہے۔